संकष्ट चतुर्थी, नवशा गणपती उत्सव: पंचकोशीतील आस्था आणि भक्तीचा महासागर!वाशिम जिल्ह्यातील मंगरूळपीर

 

 तालुक्यात असलेल्या नवशा गणपती चेहेल या ठिकाणी संकष्ट चतुर्थी निमित्ताने प्रचंड श्रद्धेने भक्तांचा महासागर उसळला. पंचकोशीत प्रसिद्ध असलेल्या या जागृत देवस्थानात दर महिन्याच्या चतुर्थीला हजारोंच्या संख्येने भाविक पायदळ येत असतात. आजच्या चतुर्थीला तर आठ ते दहा हजार भाविकांनी दर्शन घेऊन गणपती बाप्पाच्या चरणी आपल्या मनोकामना अर्पण केल्या.

सकाळी आणि संध्याकाळी झालेल्या भव्य आरत्या आणि गावकऱ्यांच्या सहभागाने मंदिर परिसर भक्तिरसाने न्हालेला होता. संपूर्ण गावकऱ्यांच्या एकतेने आणि डॉक्टर दत्तात्रय चौधरी यांच्या मार्गदर्शनाखाली हा उत्सव दर महिन्याला अगदी निष्ठेने साजरा केला जातो. गणपती बाप्पा हे बुद्धीदाता आणि संकटनिवारक देवता असल्याने त्यांच्या दर्शनासाठी दर चतुर्थीला पंचकोशीतील लोकांची अढळ श्रद्धा पाहायला मिळते.

हे फक्त उत्सव नाही, तर भावनेचा झंझावात आहे, श्रद्धेचा पर्व आहे – नवशा गणपती चेहेल म्हणजे भक्ती आणि समर्पणाचं जिवंत उदाहरण!

 संकष्ट चतुर्थीच्या निमित्ताने तब्बल ८ ते १० हजार भाविक पायदळ चालत बाप्पाच्या दर्शनासाठी आले आणि मंदिर परिसर श्रद्धेच्या घोषणांनी दणाणून गेला – “गणपती बाप्पा मोरया!”

ही चतुर्थी काही केवळ तारखेनुसार साजरी होणारी नसून, ही चतुर्थी आहे श्रद्धेचा, समर्पणाचा आणि नवसाला पावणाऱ्या नवशा गणपतीच्या कृपाशिर्वादाचा! सकाळी आणि संध्याकाळच्या आरत्यांनी संपूर्ण परिसर भारावून गेला. ढोल-ताशांचे गजर, टाळ-मृदंगाचे नाद आणि भक्तांच्या हरपलेल्या मनांनी या उत्सवाला एक वेगळीच उंची दिली.

डॉ. दत्तात्रय चौधरी यांच्या प्रेरणेतून आणि गावकऱ्यांच्या एकदिलाने प्रत्येक महिन्याची चतुर्थी हा जणू उत्सवांचं पर्वणीच ठरत आहे. नवशा गणपती हे केवळ देवस्थान नाही – हे पंचकोशीतील श्रद्धेचं हृदय आहे, जिथं बाप्पाचं दर्शन म्हणजे आयुष्याला दिशा मिळणं!

आज नवशा गणपतीचं दर्शन घेऊन हजारो भक्तांनी आपल्या मनोकामना साकड्यात बांधल्या – आणि बाप्पाने त्या ऐकल्या देखील, कारण इथे नवस कधी रिकामं राहत नाही