सुपखेला येथील यशवंतराव चव्हाण सैनिकी शाळेत प्रजासत्ताक दिन मोठ्या उत्साहात आणि देशभक्तीमय वातावरणात संपन्न झाला.सर्वप्रथम मान्यवरांनी प्रतिमेचे पूजन करून हार अर्पण केले.तद्वतच झेंडावंदन चा कार्यक्रम मान्यवरांचा हस्ते उत्साहात संपन्न झाला.मंचावरील सर्व मान्यवरांचे शाल श्रीफळ देऊन स्वागत करण्यात आले.कार्यक्रमाचे अध्यक्ष डी.एन.पाटील हे होते तर कार्यक्रमाचे उद्घाटक प्रमुख पाहुणे आदरणीय बबनराव पाटील हे उपस्थित होते. शाळेचे प्राचार्य एम.एस.भोयर यांची प्रमुख उपस्थिती होती.सदर कार्यक्रमाचे सूत्रसंचालन प्रणव धोत्रे व प्रज्वल वळवी यांनी केले तर आभार प्रदर्शन विपुल वागतकर यांनी केले.इयत्ता दहावीचे विद्यार्थ्यांनी परिश्रम घेतले व त्यांना मार्गदर्शन वर्गशिक्षक ए.आर.मोरे यांनी केले.
प्रजासत्ताक दिनाच्या कार्यक्रमामध्ये शाळेमध्ये प्रमुख पाहुणे म्हणून मोतीरामजी ठाकरे शिक्षण प्रसारक मंडळचे सचिव तथा माजी जिल्हा परिषद अध्यक्ष चंद्रकांतजी ठाकरे व संस्थेच्या संचालिका सौ.प्रियाताई चंद्रकांत ठाकरे या उपस्थित होत्या.प्रमुख पाहुण्यांच्या उपस्थितीत शाळेच्या चिमुकल्या बालसैनिकांनी अतिशय शिस्तबद्ध आणि तालबद्ध स्वरूपामध्ये परेड संचालन चे प्रदर्शन केले.व उपस्थितांची मने जिंकली आदरणीय चंद्रकांत ठाकरे यांनी विद्यार्थ्यांची मानवंदना स्वीकारली तव्दतच प्रियाताई चंद्रकांत ठाकरे यांनी सिरेमॉनीअल परेडचे निरीक्षण केले.कार्यक्रमात यानंतर शाळेच्या शिक्षिका कु.श्रृती राऊत यांच्या मार्गदर्शनात तालबद्ध लेझीम व प्रशिक्षण निदेशक
बि.डी.सोनटक्के,अब्दूल गौरवे, रामचंद्र ठाकरे यांच्या नेतृत्वाखाली ॲरोबिकस चे सादरीकरण केले तदनंतर शाळेचे क्रीडा शिक्षक अश्विन चांदणे यांच्या मार्गदर्शनाखाली मल्लखांब जिम्नॅस्टिक व लाठीकाठीचे चित्त थरारक स्वरूपाचे शारीरिक प्रात्यक्षिक सादरीकरण करण्यात आले व उपस्थित पालकांच डोळ्याचे पारणे फेडले.
कार्यक्रमात यानंतर विविध स्पर्धा परीक्षा व क्रीडा स्पर्धा सांस्कृतिक स्पर्धा इत्यादीमध्ये शाळेच्या विद्यार्थ्यांनी जो नावलौकिक मिळवला व प्रत्येक क्षेत्रामध्ये अतुलनीय असे यश प्राप्त केले त्या यशस्वी गुणवत्ता प्राप्त विद्यार्थ्यांचे मान्यवरांच्या हस्ते अभिनंदन व कौतुक करण्यात आले.
प्रमुख अतिथी संस्थेचे सचिव मा.चंद्रकांत ठाकरे यांनी आपल्या भाषणातून प्रत्येक तळागाळातील विद्यार्थी हा उच्चतम शिक्षण घेऊन देशाची सेवा केली पाहिजे व त्यासाठी अत्यंत उच्चतम स्वरूपाच्या शैक्षणीक व भौतिक सुविधांनी युक्त असे सैनिकी विद्यालय उभारण्यात आल्याचे आपल्या भाषणातून व्यक्त केले मोतीरामजी ठाकरे शिक्षण प्रसारक मंडळाच्या संचालिका सौ. प्रियाताई ठाकरे यांनीआपल्या उद्बोधनातून विद्यार्थ्यांनात्यांचे अंतिम ध्येय प्राप्त करेपर्यंत सदोदित प्रयत्न करण्याचे मार्गदर्शन केले व त्यासाठी सर्वतोपरी मदत करण्याचे आश्वासन देखील पालकांना याप्रसंगी त्यांनी केले.
सदर कार्यक्रमा प्रसंगी ॲड संतोषजी पोफळे,राजू पाटील ठाकरे,प्रकाश पाटील,पवन राऊत,सुधाकरकर कड, जेष्ठ मार्गदर्शक डी.एन.पाटील,विनोद पट्टेबहादूर,प्रकाश राजे,महिंद्र वहिले, महादेवराव आढाव,सौ.दिपाली धोटे यशवंतराव चव्हाण सैनिकी शाळेचे प्राचार्य एम.एस.भोयर,उपप्राचार्य एस.बी.चव्हाण,इंग्रजी शाळेच्या प्राचार्या एन.पी.शेळके,संतोष ठाकरे, किशोर ठाकरे,कोरडे साहेब,विज्ञान पडघान व राजेश नकवाल इत्यादी मान्यवर मंचावर उपस्थित होते ज्येष्ठ पत्रकार रमेशजी मुंजे व सुधाकर चौधरी हे देखील या प्रसंगी उपस्थित होते.
विद्यार्थ्यांची शिस्तबद्ध परेड संचालनासाठी प्रशिक्षण निदेशक भास्कर सोनटक्के रामचंद्र ठाकरे व अब्दुल गौरव यांनी परिश्रम घेतले तसेच कार्यक्रमाच्या यशस्वीतेसाठी शाळेचे शिक्षक व शिक्षकेतर कर्मचारी बंधू भगिनी यांनी देखील परिश्रम घेतले.
प्रजासत्ताक दिना निमित्त शाळेमध्ये विविध स्पर्धेचे आयोजन करण्यात आले होते त्यामध्ये नृत्य स्पर्धा भाषण स्पर्धा चित्रकला स्पर्धा इत्यादी स्पर्धा होती यामध्ये अनेक विद्यार्थ्यांनी भाग घेतला होता.
कार्यक्रमाचे प्रस्ताविक शाळेचे प्राचार्य एम.एस.भोयर यांनी केले तर उत्कृष्ट सूत्रसंचालमन शाळेचे ज्येष्ठ शिक्षक पी.व्ही.पवळ यांनी व आभार प्रदर्शन सी.एम.ठाकरे यांनी मानले.उत्तम छायाचित्र के.व्ही.बोबडे यांनी काढले.असे शाळेचे प्रसिद्धी प्रमुख रमेश रावसिंग पडवाळ कळविले आहे.
0 Comments