श्री धानोरकर आदर्श विद्यालयात ग्रामदेवता महोत्सव उत्साहात साजरा

 धानोरा खुर्द (वार्ताहार )येथील श्री धानोरकर आदर्श विद्यालय  येथे दिनांक 24, 25 व 26 जानेवारी 2025 रोजी विद्यार्थ्यांमधील सुप्त कलागुणांना वाव मिळावा व आपली कला सादर करता यावी या उद्देशाने 53 व्या "ग्रामदेवता महोत्सवाचे" आयोजन करण्यात आले.  

दि. 24 जानेवारी 2025 ला या महोत्सवाचे रितसर उद्घाटन मान्यवरांच्या हस्ते करण्यात आले. उद्घाटन कार्यक्रमाला उद्घाटक म्हणुन  वाशीम मंगरूळपीर विधानसभाचे नवनिर्वाचित आमदार मा.शामभाऊ खोडे , तर अध्यक्ष संस्थेच्या कोषाध्यक्षा श्रीमती रजनीताई धानोरकर मॅडम उपस्थित होत्या. प्रमुख अतिथी विद्यालयाचे प्राचार्य तथा सचिव मा.मंगेशभाऊ धानोरकर सर, आणि गावातील प्रतिष्ठित मंडळी उपस्थित होते.त्यानिमित्त ग्रामदेवता महोत्सवाचे कार्यवाह उच्च माध्यमिक विद्यालयातील प्राध्यापक श्री.व्ही बी पाटील सर यांनी  तर सहकार्यवाह म्हणून प्राध्यापक श्री.बी एस नागे सर यांनी कार्यभार स्वीकारला. कार्यक्रमाचे उद्घाटन झाल्यानंतर विद्यालयातील विद्यार्थ्यांनी  त्यांचे स्वागतगीतातून नृत्याद्वारे स्वागत केले. यानंतर सांस्कृतिक स्पर्ध्येचे आयोजन करण्यात आले.नर्सरीचे चिमुकले ते माध्यमिक व उच्च माध्यमिक विद्यालयातील विद्यार्थ्यांनी समूह नृत्य , एकांकिका, देशभक्ती गीतावर अतिशय अप्रतिम नृत्य सादर केले. तसेच दिनांक 25 जानेवारी रोजी विद्यालयातील वर्ग 5 ते 10 वी च्या विद्यार्थ्यांनी सामूहिक कवायत नृत्य सादर करून आपल्या नृत्याद्वारे INDIA हे आपल्या देशाचे नाव साकारून जनतेला देशभक्तीचा संदेश दिला. दुपारनंतर विद्यार्थ्यांनी करिता विविध क्रीडा स्पर्ध्येचे आयोजन करण्यात आले. त्यामध्ये स्लो सायकल स्पर्धा, 100 मीटर धावणे, थाळीफेक, गोळाफेक अशा विविध प्रकारच्या स्पर्धेचे आयोजन केले व विद्यार्थ्यांनी याच्यामध्ये मोठ्या संख्येने सहभाग घेतला. तर 26 रोजी सकाळी संस्थेचे उपाध्यक्ष माननीय डॉ.श्री माणिकप्रभू नानासाहेब धानोरकर यांच्या हस्ते ध्वजारोहण करण्यात आले. व त्यांनी आपल्या मनोगतातून उपस्थित सर्वांना प्रजासत्ताक दिनाच्या शुभेच्छा दिल्या. यानंतर या तीन दिवसांत घेण्यात आलेल्या विविध स्पर्धेचे बक्षीस वितरणाचा कार्यक्रम आयोजित करण्यात आला. तर या विद्यार्थ्यांच्या बक्षीस वितरण,कौतुक सोहळा व ग्रामदेवता महोत्सव समारोपीय कार्यक्रमाचे अध्यक्ष स्थान संस्थेचे उपाध्यक्ष माननीय डॉ. माणिकप्रभू धानोरकर सर यांनी स्वीकारले तर कार्यक्रमाचे प्रमुख अतिथी चे म्हणुन संस्थेच्या कोषाध्यक्षा श्रीमती रजनीताई धानोरकर मॅडम प्रा.श्री मंगेशभाऊ धानोरकर सर आणि धानोरा येथील ग्रामवासी ध्वजारोहन व कौतुक सोहळ्याकरिता उपस्थित होते.त्यानंतर कॉन्व्हेंटची चिमुकले ते माध्यमिक तसेच उच्च माध्यमिक विद्यालयातील या ग्रामदेवता महोत्सव मध्ये घेण्यात आलेल्या विविध स्पर्ध्येत यशस्वी होणाऱ्या सर्व विद्यार्थ्यांना प्रमाणपत्र वाटप करण्यात आले. तसेच या ग्रामदेवता महोत्सवाचे कार्यवाह श्री.व्ही बी पाटील सर व सहकार्यवाह प्राध्यापक श्री.नागे सर यांना सुद्धा प्रमाणपत्र देऊन त्यांचा सत्कार करण्यात आला. दि. 24 ते 26 पर्यंतच्या कार्यक्रमाचे संचालन विद्यालयाचे शिक्षक श्री वैभव धानोरकर सर व श्री ढेंगळे सर यांनी केले.आभार कार्यवाह व सहकार्यवाह यांनी मानले. तसेच कार्यक्रमाची रंगत वाढवण्यासाठी धानोरा व परिसरातील गावातील मंडळी ,माता,भगिनी, सर्व विद्यार्थी पालक, बहुसंख्येने उपस्थित होते. कार्यक्रम यशस्वी संपन्नतेसाठी विद्यालयातील सर्व शिक्षक, पालक,विद्यार्थी यांनी मोलाचे सहकार्य केले. 26 जानेवारी रोजी उपस्थित सर्व मान्यवर, पालक,विद्यार्थी, शिक्षक,कर्मचारी वृंद यांनी सर्वांनी स्नेहभोजन करून कार्यक्रमाची सांगता केली.