प्रजासत्ताक दिनाचा 75 वा वर्धापन दिन समारंभ थाटात संपन्न

            

  मंगरुळपीर प्रतिनिधी: स्थानिक जिल्हा परिषद माध्यमिक विद्यालय क्रीडा संकुल मैदानावर प्रजासत्ताक दिनाच्या ७५ व्या वर्धापन दिन समारंभाचे ध्वजारोहण व ध्वजवंदन सकाळी ९.१५ वाजता राजेंद्र जाधव, उपविभागीय अधिकारी मंगरुळपीर, यांच्या शुभहस्ते  व तहसीलदार शितल बंडगर आमदार श्यामभाऊ खोडे, पोलीस उपविभागीय अधिकारी नीलिमा आरज, ठाणेदार सुधाकर आडे  नगर परिषदेचे श्रीपाद भोंगळे, पीएमश्री जि. प. माध्यमिक विद्यालयाचे मुख्याध्यापक एस. पी. टिक्कस , निवासी नायब तहसीलदार आर.जी.राठोड.निवडणूक नायब तहसिलदार राजेश बोंडे, महसूल नायब तहसिलदार एन.एस.सातंगे , नायब तहसिलदार आर.झेड.ढोंबळे , वाशिम खबरे  सुनील भऊ  मालपाणी यांचे उपस्थित संपन्न झाला. यावेळी पीएमश्री जि. प. विद्यालयाच्या कु. वेदश्री खांडे ,गायत्री साखरकर, सृष्टी पाकधने, नंदिनी चौधरी, मेहराज शेकूवाले, अनुष्का पवार, हर्षदा मनवर, श्रावणी खाडे, नंदिनी काकरवाल यांनी राष्ट्रगीत, राज्यगीत व संविधानाच्या अमृत महोत्सवी वर्षानिमित्त संविधान उद्देशिकेचे सामूहिक वाचन केले. उपविभागीय अधिकारी यांच्या शुभेच्छा संदेशानंतर पी.एस. आय. दिनकर राठोड यांच्या आज्ञेनुसार परेड संचलनास पोलीस पथक व इतर पथके सज्ज झाली .पलटण नायक राजेश मोहिते यांच्या नेतृत्वात होमगार्ड पथक,पलटण नायक सुषमा कांबळे यांच्या नेतृत्वात होमगार्ड महिला पथक, सार्जंट अर्णव राठोड यांच्या नेतृत्वात एनसीसी पथक मुले, सार्जंट सुप्रिया शृंगारे यांच्या नेतृत्वात एनसीसी पथक मुली, स्काऊटर अब्दुल निजाम आलमवाले यांच्या नेतृत्वात स्काऊट पथक मुले यांनी परेड संचलनात वाद्याच्या गजरात ध्वजाला मानवंदना दिली. 

यानंतर भव्यदिव्य रंगमंचावर सांस्कृतिक कार्यक्रमाला सुरुवात झाली. त्यामध्ये 22 शाळांनी आपला सहभाग नोंदविला होता. यामध्ये पूर्व प्राथमिक गटात स्वामी विवेकानंद इंग्लिश स्कूल प्रथम, नागसेन इंग्लिश प्राइमरी स्कूल द्वितीय , लिटिल फ्लावर्स इंग्लिश स्कूल तृतीय आले. तर प्राथमिक गटामधून अभ्यासा इंग्लिश मिडियम स्कूल प्रथम, पंचशील इंग्लिश स्कूल द्वितीय,लिटिल फ्लावर्स इंग्लिश स्कूल तृतीय व स्वामी विवेकानंद इंग्लिश स्कूल यांनी उत्तेजनार्थ क्रमांक पटवला. यानंतर उच्च प्राथमिक गटामधून जि. प. माध्यमिक विद्यालय प्रथम, अभ्यासा इंग्लिश स्कूल द्वितीय, सिद्धार्थ विद्यालय तृतीय तर माध्यमिक गटामधून मातोश्री पार्वतीबाई नाईक कन्या शाळा प्रथम, जि. प. माध्यमिक विद्यालय द्वितीय, सिद्धार्थ विद्यालय तृतीय यांनी क्रमांक प्राप्त केला. यानंतर सहभागी स्पर्धक, गुणवंत विद्यार्थी, खेळाडू, निवडणूक कार्यामध्ये उत्कृष्ट कार्य केल्याबद्दल नायब तहसीलदार राजेश बोंडे, व्ही.एन.काॅलेज चे डॉ. राठोड, उत्कृष्ट पर्यवेक्षक , बि.एल.ओ.आणि रांगोळी स्पर्धा, वक्तृत्व स्पर्धेमधिल विजेत्या स्पर्धकांना सन्मान चिन्ह व प्रशस्तीपत्र देऊन उपस्थित मान्यवरांच्या हस्ते गौरविण्यात आले. संपूर्ण कार्यक्रमाचे सूत्रसंचालन राज्य आदर्श शिक्षक पुरस्कार प्राप्त शिक्षक दिपक राऊत यांनी केले. संपूर्ण कार्यक्रमाचे लाईव्ह प्रक्षेपण विश्वकल्याण न्यूज विनोद ढेरे यांनी केले. परीक्षक म्हणून यशवंत  पद्मगिरवार, अध्यक्ष अखिल भारतीय नाट्य परिषद,किरण अखंडवार , स्त्री शक्ती बहुद्देशीय संस्था, उत्कृष्ट डान्सर शुभम राठोड यांनी कार्य पार पाडले. कार्यक्रम यशस्वी करण्यासाठी नरेंद्र इंगोले नाझर तहसील कार्यालय,ममता वर, कार्यालय अधीक्षक नगर परिषद, प्रीती मेहकरकर,सुरज दवणे, सुरज वासनकर,मनोज ढोरे,घनश्याम तवले,मिलिंद भगत,रोखपाल दिनेश व्यास दिनेश भोयर, राजू संगत, नगर परिषदेचे सर्व कर्मचारी तहसील व उपविभागीय कार्यालयाचे कर्मचारी यांनी परिश्रम घेतले. आभार प्रदर्शनानंतर कार्यक्रमाची सांगता करण्यात आली.