वाशिम व मंगरूळपीर शहरातील ०२ युवकांवर MPDA कायद्याअंतर्गत स्थानबद्धतेची कारवाई.

   

समाजामध्ये शांतता व सुव्यवस्था नांदावी व कायद्याचे राज्य अबाधित राखावे यासाठी वाशिम जिल्हा पोलीस दल सदैव दक्ष असून कायद्याचे पालन न करणाऱ्यांविरोधात सतत कडक कायदेशीर कारवाईचा सपाटा सुरु आहे. परंतु काहीजन कायद्याला न जुमानता त्यांचे गैरकृत्य सुरूच ठेवतात तेव्हा त्यांच्या मुसक्या आवळत त्यांच्या बेकायदेशीर कृत्यांना लगाम लावण्यासाठी त्यांच्यावर MPDA कायद्याअंतर्गत स्थानबद्धतेची कारवाई करण्यात येते.

     वाशिम शहरातील पठाणपुरा परिसरात राहणारा २६ वर्षीय युवक नामे अमीर उर्फ टिल्ल्या असलम खान हा पठाणपुरा परिसरासह शहरात गुंडगिरी करतो. त्याचेविरुद्ध पो.स्टे.वाशिम शहर येथे विविध गंभीर कलमान्वये एकूण ०८ गुन्हे दाखल आहेत. पो.स्टे.मंगरूळपीर शहरातील अशोक नगर परिसरात राहणारा २८ वर्षीय तरुण नामे सोनू उर्फ सय्यद नासीर सय्यद जब्बार हा देखील धारदार शस्त्रे बाळगत शहरात धाक/दहशत पसरविण्याच्या प्रयत्न करतो. त्यामुळे त्याचेविरुद्ध पो.स्टे.मंगरूळपीर येथे जबरी चोरी, दरोडे, शस्त्र अधिनियमसारख्या विविध गंभीर कलमान्वये ०६ गुन्हे दाखल आहेत.

     सदर दोन्ही युवक हे गुन्हेगारी प्रवृत्तीचे असून त्यांनी घातक शस्त्रांसह परिसरात दहशत पसरवित धाक जमविण्याचा प्रयत्न करतात त्यामुळे सार्वजनिक शांतता व सुव्यवस्था अबाधित ठेवण्याकामी बाधा उत्पन्न न व्हावा यासाठी सदर युवकांवर MPDA अधिनियम, १९८१ (सुधारणा १९९६, २००९ व २०१५) चे कलम ३(१) अन्वये ‘धोकादायक व्यक्ती’ या सदराखाली प्रस्ताव पोलीस प्रशासनाच्या वतीने तयार करण्यात आला होता. सदर प्रस्तावाचे अवलोकन करून दि.२६.०६.२०२३ रोजी सदर आरोपींविरुद्ध स्थानबद्धतेचे आदेश मा.जिल्हादंडाधिकारी यांनी पारित केले आहे.

     सदर MPDA कायद्याअंतर्गत स्थानबद्धतेचा प्रस्ताव तयार करण्यासाठी स्थानिक गुन्हे शाखा, वाशिम येथील पोउपनि.शब्बीर पठाण, पोना.प्रशांत राजगुरू, ज्ञानदेव मात्रे, अमोल इंगोले, प्रवीण राऊत, महेश वानखेडे, पोकॉ.संतोष शेनकुडे, दीपक घुगे सर्व नेमणूक - स्थानिक गुन्हे शाखा, वाशिम यांनी मेहनत घेतली.

       *( जनसंपर्क अधिकारी )*

पोलीस अधिक्षक कार्यालय, वाशिम.