‘ऑपरेशन ऑल आऊट’ विशेष मोहीम दरम्यान घेतला कायदा व सुव्यवस्थेचा आढावा ; नाकाबंदी करून वाहनांची तपासणी.

समाजात शांतता व सुव्यवस्था नांदावी व कायद्याचे राज्य अबाधित राहावे यासाठी वाशिम जिल्हा पोलीस दलातर्फे दक्ष राहून सातत्याने कायदेशीर कारवाया केल्या जातात. त्यासाठी वेळोवेळी ‘ऑपरेशन ऑल आऊट’ सारख्या विशेष मोहिमा राबवून कायद्याचे उल्लंघन करणाऱ्यांविरोधात कारवाईचा बडगा उगारला जातो तसेच निगराणी बदमाश, BW/NBW, स्टॅडिंग वारंटचे आरोपी तपासणी व नाकाबंदी करून संशयित वाहनांची सुरक्षेच्या दृष्टीने तपासणी केली जाते. 

त्यामुळे कायद्याचा वचक निर्माण होऊन समाजात शांतता प्रस्थापित होते.

     

याच पार्श्वभूमीवर मा.पोलीस अधीक्षक श्री.बच्चन सिंह (भा.पो.से.) यांच्या आदेशाने व मार्गदर्शनाखाली दि.११.०४.२०२३ रोजी रात्री विशेष ‘ऑपरेशन ऑल आऊट’ मोहीम राबविण्यात आली. त्यामध्ये जिल्ह्यातील वाशिम, मंगरूळपीर व कारंजा उपविभागातील प्रत्येक पोलीस स्टेशनअंतर्गत कोम्बिंग ऑपरेशन राबविण्यात आले. त्यामध्ये १० अधिकारी व ४८ अंमलदारांनी वेगवेगळ्या ठिकाणी कोम्बिंग ऑपरेशन व नाकाबंदी दरम्यान एकूण ३० निगराणी बदमाश, ०५ BW/NBW व स्टॅडिंग वारंटचे आरोपी तसेच २० हॉटेल/धाब्यांची तपासणी केली. तसेच जिल्हाभरात १३ ठिकाणी नाकाबंदी करून सुरक्षेच्या दृष्टीकोनातून ११८ लहान वाहने व १५१ मोठे वाहने असे एकूण २६९ वाहनांची तपासणी करण्यात आली. यापुढेही गुन्हे नियंत्रण व प्रतिबंधक कारवाईकरिता येणारे सण-उत्सव लक्षात घेता भविष्यातही अशा प्रकारच्या ‘ऑपरेशन ऑल आऊट’ मोहिमा राबविल्या जाणार आहे.

     सदर ‘ऑपरेशन ऑल आऊट’ मध्ये मा.पोलीस अधीक्षक श्री.बच्चन सिंह (भा.पो.से.) यांच्या मार्गदर्शनाखाली सर्व उपविभागीय पोलीस अधिकारी, पो.नि.सोमनाथ जाधव, स्थानिक गुन्हे शाखा, वाशिम व पथक तसेच सर्व पोलीस स्टेशन प्रभारी अधिकारी व पोलीस अंमलदार यांचा समावेश आहे.