श्री वसंतराव नाईक महाविद्यालया च्या वतीने विविध उपक्रम राबवून राष्ट्रीय मतदार दिन साजरा

मंगरूळपीर : स्थानिक श्री.वसंतराव नाईक कला व श्री.अमरसिंग नाईक वाणिज्य महाविद्यालय मंगरूळपीर येथील राज्यशास्त्र विभाग व राष्ट्रीय सेवा योजना तसेच तहसील कार्यालय मंगरूळपीर   यांच्या संयुक्त विद्यमाने संस्थेचे अध्यक्ष मा.आ.अ.राठोड साहेब व कार्यकारी व्यवस्थापन अधिकारी डॉ.एल.के.करांगळे यांच्या मार्गदर्शनाने 13 वा राष्ट्रीय मतदार दिवस विविध उपक्रम राबवून साजरा करण्यात आला. सर्वप्रथम तहसील कार्यालयामधून सार्वजनिक रॅलीचे आयोजन करण्यात आले, त्यानंतर तालुक्यात घेण्यात आलेल्या वकृत्व स्पर्धा, रांगोळी स्पर्धा, मतदार जनजागृती रॅली, मतदार नोंदणी संदर्भात जनजागृती अशा वेगवेगळ्या स्पर्धा घेऊन राज्यशास्त्र विभाग प्रमुख तथा राष्ट्रीय सेवा योजनेचे कार्यक्रमाधिकारी प्रा.पी.आर.तायडे यांच्या मार्गदर्शनात अनेक स्पर्धा घेण्यात आल्या. वकृत्व स्पर्धेतील कु. संध्या गवळी हिला प्रथम क्रमांक व धनंजय शेजव याला द्वितीय, वजीर खान याला तृतीय क्रमांक मिळाला. तसेच रांगोळी स्पर्धेतील कु.स्नेहा दीक्षित, कु.शारदा शिंदे यांना प्रथम, कु.निकिता खोडके हिला द्वितीय, तर कु.वैष्णवी पेंढारकर हिला तृतीय क्रमांक मिळाला. स्पर्धेतील विजेत्या स्पर्धकांना मंगरूळपीरच्या तहसीलदार मा.शितल बंडगर व उपविभागीय अधिकारी मा.एस.पी. मुळे साहेब यांच्या हस्ते प्रमाणपत्र देऊन गौरविण्यात आले. तसेच प्रा.पी.आर. तायडे यांनी केलेल्या उत्कृष्ट कार्याबद्दल तहसीलदार मा.शितल बंडगर यांच्या हस्ते प्रशस्तीपत्र देऊन सन्मान करण्यात आला. आणि तालुक्यातील उत्कृष्ट BLO ला  प्रमाणपत्र देऊन सत्कार करण्यात आला. व मतदार दिवसाचे महत्त्व उपविभागीय अधिकारी मा.एस.पी. मुळे साहेब, तहसीलदार मा.शितल बंडगर , नायब तहसीलदार मा.राजेश बोंडे साहेब, मा.गजानन जवादे साहेब महसूल विभाग, श्री.रवी महाले, महाविद्यालयाचे कार्यकारी प्राचार्य डॉ.एस.ए.राठोड व राज्यशास्त्र विभाग प्रमुख प्रा.पी.आर.तायडे यांचे उपस्थितीत राष्ट्रीय मतदार दिवसाचा कार्यक्रम साजरा करण्यात आला. या कार्यक्रमाचे सूत्रसंचालन तलाठी कु. प्रीती मेहकरकर मॅडम यांनी केले तर आभार श्री.रवी महाले यांनी मानले. या कार्यक्रमाच्या यशस्वी आयोजनाकरिता श्री.मिलिंद भगत निवडणूक ऑपरेटर व प्रा.पी.आर. तायडे यांनी विशेष प्रयत्न केले.