मंगरूळपीर: स्थानिक श्री.वसंतराव नाईक कला व श्री अमरसिंग नाईक वाणिज्य महाविद्यालय मंगरूळपीर येथील राज्यशास्त्र विभाग प्रमुख तथा रासेयो कार्यक्रमाधिकारी प्रा.प्रमोद तायडे यांनी भारतीय लोकशाही बळकट करण्यासाठी मंगरूळपीर शहरातून अनेक मतदान जनजागृती रॅल्या काढल्या त्यामध्ये अनेक प्रकारचे नारे देऊन जनजागृती केली. त्याचबरोबर महाविद्यालयात मतदान जनजागृती करण्यासाठी वकृत्व स्पर्धा, रांगोळी स्पर्धा, मतदार नोंदणी असे विविध उपक्रम राबवून लोकशाही बळकट करण्यासाठी मतदानाची कशी गरज आहे हे व्याख्यानाच्या माध्यमातून नव युवकांना पटवून दिले. या अशा अनेक समाज उपयोगी व राष्ट्रीय उपयोगी बहुविध कार्याची तहसील कार्यालयाने दखल घेऊन प्रा.प्रमोद तायडे यांचा 13 व्या राष्ट्रीय मतदार दिनाचे औचित्य साधून मंगरूळपीर च्या तहसीलदार मा. शितल बंडगर व उपविभागीय अधिकारी मा.एस.पी. मुळे यांनी त्यांना प्रशस्तीपत्र देऊन सन्मानित केले. व पुढील वाटचालीस शुभेच्छा दिल्या. यामुळे संस्थेचे अध्यक्ष मा.आ.अ.राठोड साहेब यांनी त्यांचे अभिनंदन केले व महाविद्यालयाचे कार्यकारी प्राचार्य डॉ. एस.ए.राठोड, कार्यकारी व्यवस्थापन अधिकारी डॉ.एल.के.करांगळे व सर्व महाविद्यालयीन शिक्षक व शिक्षकेतर कर्मचारी यांनी त्यांचे अभिनंदन केले.
0 Comments