शेख नवेद कोरोना योध्दा पुरस्काराने सन्मानित मंगरुळपिर येथील ऑटोरिक्षा चालक

 मंगरुळपिर  दि 17 ( ता प्र )

मंगरुळपिर येथील ऑटोरिक्षा चालक शेख नवेद हा गेली अनेक वर्षांपासून गोरगरीब रुग्णांना मोफत रुग्णालयात पोहचविण्याचे काम करतो मात्र 2019 यावर्षी महामारी कोरोना आली या रोगाने थैमान घातले होते अशा विपरीत परिस्थितीत शेख नवेद ने अनेक रुग्णांना मोफत कोरोना केंद्रावर पोहचविण्याची उल्लेखनीय कामगिरी बजावली या कार्याची दखल घेऊन येथील संत गोरोबाकाका महिला बहुउद्देशीय विकास संस्थाचे वतीने ऑटोरिक्षा चालक शेख नवेद यास मान्यवराच्या हस्ते सन्मान पत्र देऊन गौरविण्यात आले 

 कोरोना आजार हा एकापासून दुसऱ्याला होणारा असल्यामुळे कोरोना रुग्णाजवळ कोणीच फिरकत नसे रक्तातील नात्यातील व्यक्ती सुध्दा टाळत असे सर्वत्र भीतीचे वातावरण पसरले होते अश्या प्रतिकूल परिस्थिती मध्ये आपल्या जीवाची पर्वा न करता शेख नवेद हा ऑटोरिक्षा चालक कोरोना रुग्णांना मोफत कोरोना केंद्रावर उपचार करण्यासाठी आपल्या ऑटोने  नेण्याचे काम निस्वार्थपणे करीत होता  ही सामाजिक बांधिलकी समाजासमोर एक वेगळा आदर्श निर्माण करणारी आहे या समाज कार्याची दखल घेऊन अ भा उपभोक्ता संघटना राष्ट्रीय सचिव बाळासाहेब पांडे यांच्या हस्ते सन्मानित करण्यात आले यावेळी  संस्था अध्यक्ष वनमाला पेंढारकर, सचिव सोनल पेंढारकर,वैभव खंडारे, फैजान खान, अंकुश डोके,आदी मान्यवर उपस्थित होते